Samanlikna med dei andre delane av Vestlandet, er det færre som blir stogga for ulovlegheiter i Sogn og Fjordane.
Fleire ruskontrollar
Kring 4000 køyretøy er stogga av dei to patruljane som har vore i området i sommar. Kring 160 færre er blitt stogga for lovbrot i trafikken samanlikna med fjoråret.
Men leiar Terje Oksnes for Utrykkingspolitiet seier at ein ikkje kan seie at køyringa er blitt finare av den grunn.
– Vi har hatt fleire ruskontrollar enn fartskontrollar denne sommaren. Vi har stoppa seks førarar som har køyrt i rusa tilstand. Det er like mange som i fjor sommar, seier han.
- LES OGSÅ:
Meir kontroll, mindre lovbrot
UP har til saman kontrollert 15.000 køyretøy på Vestlandet i juni og juli. 1350 har fått bøter for høg fart og 83 har mista lappen.
UP-sjefen seier det er mange fleire overskridingar per time med kontroll andre stader på Vestlandet.
– Så generelt ser det bra ut i Sogn og Fjordane. Når det gjeld denne sommaren, kan vi seie at vi har kontrollert fleire og reagert mot færre, seier UP-leiaren.
- LES OGSÅ:
- LES OGSÅ:
Til no i år har det vore tre alvorlege trafikkulukker i Sogn og Fjordane. Det er ein tredjedel av det som var tilfelle første halvår i fjor.
– Så langt i år har det vore få hardt skadde og ingen omkomne. Vi ser ei god utvikling når det gjeld alvorlege ulukker, seier han.