NRK Meny
Normal

Droppar søksmål mot Terra-toppar

Det varsla søksmålet mot dei tidlegare leiarane og meklare i Terra Securities blir lagt vekk.

Kåre Olav Svarstad, ordførar i Bremanger

Bremanger-ordførar Kåre Olav Svarstad har iikkje gitt opp håpet om å få pengane tilbake.

Foto: Torje Bjellaas / NRK

Meklarhuset slo seg sjølv konkurs i november 2007. Kommunane Vik og Bremanger har åleine tapt til saman over 300 millionar kroner på investeringar gjennom Terra Securities.

Sjølv om søksmålet mot toppfolka i meklarhuset blir skrinlagt, har ordførar i Bremanger, Kåre Olav Svarstad, framleis tru på å få tilbake pengane.

- Det håpet har vi sjølvsagt framleis. Bustyret og kommunane prøver på mange måtar å få tilbake mest mogeleg av det som er tapt.

- Det er brukt nær 50 millionar kroner til bubehandlinga. Kva tykkjer du om det?

- Det viser at det er ei komplisert sak som har mange forgreiningar og at det er mykje som må undersøkjast. Dette kostar pengar.

Ordførar i Vik, Marta Finden Halset, ønskjer ikkje å kommentere saka.

Den nye regjeringa vurderer å kvitte seg med odelslova. Det kjem ikkje på tale, svarer bøndene.
Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.