– Vi finn stort sett ein eller fleire hjortar i denne elva kvart år, seier Rein-Arne Golf som er regionalt rovviltansvarleg i Statens naturoppsyn.
Sju hjortar blei drege opp av vatnet, men det er kanskje enda fleire som kan dukke opp om ein søker i området. Dei hadde slagskadar som tyder på at dei har drive nedover elva eit godt stykke.
– Truleg har hjortane ein fast plass dei kryssar elva, og har blitt teke av straumen og drukna eller blitt slege i hel, seier Golf.
Testa for skrantesjuke
Hjortane blir rutinemessig testa for skrantesjuke sidan smitta dyr har høgare risiko for å bli utsett for slike ulukker.
– Har dei skrantesjuke får dei endringar i hjernen som gjer at dei lettare blir utsett for ulukker som påkøyring og anna, seier Golf.