No vil også reiselivsdirektøren bremse turiststraumen

Det er Bergens Tidende som i dag skriv at Tuftin ynskjer å bremse turiststraumen.

I år er 2.877.116 turistar venta å gå i land ved norske hamner. Tuftin fryktar at den veldige turiststraumen sjøvegen kan skjemme ut områda.

• LES OGSÅ: Cruisetrafikken kan få nye restriksjonar

– Sjå føre deg at du kjem til ein stad med eit par hundre innbyggjarar, og du plutseleg får 4.000-5.000 cruiseturistar som spring rundt der. Det vil ikkje vere noko særleg god oppleving for nokon, seier han til avisa.

Rundballeprotest

NRK.no fortalde i førre veke om bonden Anders Fretheim som står bak ein rundballeprotest mot turismen . På rundballane blir turistane møtt med ord som seier dei ikkje er velkomne.

• LES OGSÅ: - Må finne gode løysingar for cruisenæringa i fellesskap

Turismen er ei viktig inntektskjelde for den vesle bygda Flåm. Mange meiner likevel at tolegrensa no er nådd. Fretheim seier at folk ynskjer eit leveleg lokalmiljø.

• LES OGSÅ: Uroa over utsleppa frå cruisenæringa - krev regjeringa på bana

– Frustrasjonen har bygd seg opp over fleire år, og det er ikkje noko magemål på kor mange ein skal ta i mot. Det handlar berre om å ta i mot absolutt alt og setje ny rekord på Flåmsbana, så er man lukkelege, sa Fretheim til NRK.no.

Må setje tak

No får dei altså støtte frå Innovasjon Norge. Ifølgje Bergens Tidende har Cruise Norway også ut eit skriv til hamnar og destinasjonar, der dei ber aktørane om å sjølve setje eigna tak på cruisetrafikken.

• LES OGSÅ: Små nisjehotell opplever gode tider

– For dei fleste er ikkje dette med «people pollution» eit stort problem, men det hender nokre dagar. Det er desse dagane vi sjølvsagt ynskjer å redusere og aller helst få vekk. Dette må vere eit lokalt ansvar, seier dagleg leiar Sandra Diana Bratland til avisa.