Bø får stell av mor og far i jula

- Det er godt å få litt stell av mor og far heime no i jula. På julafta vart det pinnekjøt, så det er gode dagar.

Trivst i rampelyset

For å vere i verdstoppen i skiskyting krevst det beinhard trening og mykje forsaking. Reising til og frå konkurransar og trening blir det også mykje av, så det blir lite tid til avkopling.

• LES OGSÅ: Tre gonger Tarjei Bø
• LES OGSÅ: Bø trur på verdscupsiger

Og sidan stryningen har fått sitt verkelege internasjonale gjennombrot i år, har også medietrykket vorte mykje tøffare. Dagane heime i Stryn er difor gull verd, seier.

- Ein er så mykje på reise, og familien får ikkje eg ikkje sett ofte, så det er ekstra godt å koma heim i ferien når familien er samla. Så får eg jo møtt gamle vener. Det har jo vore mykje styr, men så er det jo bra.

- Korleis trivst du i rampelyset?

- Eg trivst greitt, eg. Media er no der, så det er berre å gjera det beste ut av det.

Vil ikkje ha like mykje styr som Northug

Ekspertar har tidlegare hevda Bø kan verta større enn Petter Northug .

- Eg får håpa det ikkje vert like mykje styr rundt meg som han. Men det er jo artig viss folk tykkjer det er artig å følgja med deg, og då er det artigare å konkurrera også.

For ein som har ambisjonar i toppidrett blir juleferien litt annleis enn for oss vanlege dødlege. Mellom anna må han teste kreftene i skisporetv mot brødrene sine.

- Det er kjekt. Han eldste er no såpass god at han henger seg på. Og han yngste må jo lærast opp også.

Brødreduell også i jula

Eldste broren, Johannes, meiner han skal verta betre enn Tarjei .

- Det kan han absolutt verta. For han tek steg for steg. Og det er motivasjon nok for meg, for Johannes er den verste å tapa for.

Tarjei er fleire gonger juniorverdsmeister, OL-meister i stafett og har vunne fleire verdscuprenn i skiskyting. I år er det skiskyttar-VM i Russland, der 22-åringen går for både stafettgull og individuell medalje.

• LES OGSÅ: Nominert til årets gjennombrot
• LES OGSÅ: - Han er Norges største talent

Men han har også eit anna mål, ein draum om å få gå tredje etappe under ski-VM i Holmenkollen i slutten av februar.

- Det hadde absolutt vore interessant. No har ikkje eg gått nokre større renn i langrenn, så eg veit ikkje heilt korleis eg står. Men eg går no absolutt fort nok i skiskyting, i alle fall.