Regjeringa vil i framlegget til statsbudsjett stille krav til konsesjons-søkjarane om å utvikle havbruksnæringa vidare og bidra til ei positiv utvikling for nærområdet sitt.
Men prinsippet om auksjon møter motbør hjå oppdrettarane. Ola Braanaas i Firda Management vender tommelen ned. Han meiner dette vil føre til at berre dei store og pengesterke selskapa vil få konsesjonar. Braanaas vil heller at konsesjons-tildelinga skal skje utifrå distrikts-politiske omsyn, slik som i dag. Men dei som får konsesjonar, må få krav på seg om å skape næringsaktivitet i dei områda ein får tildelt.
Ola Braanaas og Firda Management har sjølv tilbudt å betale bygging av fastlandssamband til ytre Gulen i byte med seks oppdrettskonsesjonar. Vegen vil koste 64,5 millionar kroner.
Ordførar i Gulen, Trude Brosvik, fryktar at auksjon på oppdretts-konsesjonar vil føre til at kommunane som får bandlagt sine område ikkje får noko igjen. Brosvik varslar kamp om regjeringa sitt framlegg til auksjons-ordning.