Ei kunstløype rundt Jølstravatnet der interesserte kan vandre i fotspora til kunstnaren og sjå motiva han brukte i måleria sine, kan snart vere på plass. Det skriv avisa Firda.
Løypa er ein del av ei større satsing på Astrup i Jølster. Til sommaren skal eit kommunalt utval leggje fram planane for korleis interessa for kunsten til Astrup og Astruptunet skal aukast. Fleire utstillingar og nytt besøkssenter er to av tinga som vert nemnde i denne samanheng.