NRK Meny
Normal

– Gulen bør stevne SFT

Miljøforkjempar Kurt Oddekalv meiner Gulen kommune må krevje erstatning frå staten.

Kurt Oddekalv
Foto: Larsen, Håkon Mosvold / SCANPIX

Han er slett ikkje nøgd med orienteringa som SFT og Folkehelseinstituttet hadde på folkemøtet i Gulen denne veka.

– Overhodet ikkje. Eg tykkjer innbyggjarane skal stevne staten i eit erstatningssøksmål for å frå fram kva som eigentleg skjedde, meiner Oddekalv.

LES ÓG: – Helseplagene vil bli borte

Lite imponert

24. mai i fjor eksploderte to tankar med avfallsstoff ved anlegget til Vest Tank i Sløvåg i Gulen. I ettertid har fleire hundre personar fått helseplager, og mange slit framleis meir enn 13 månader seinare.

Denne veka var representantar frå SFT og Folkehelseinstituttet i Gulen for å møte bygdefolket. Dei hevda mellom anna at helseplagene ikkje vil vere skadelege på lang sikt.

Etter møtet var Oddekalv lite imponert over det som blei lagt fram.

Bedrøveleg

– Eg synest det er ganske bedrøveleg at staten legg ut eit røykteppe over heile saka og prøver å framstille det som at det berre er oljebaserte stoff som har gått i lufta. Det er mykje, mykje verre forbindingar i dette, hevdar miljøforkjemparen.

Han oppmodar dermed innbyggjarane i Gulen om å stevne staten for å få erstatning, då han hevdar ulukka var mykje verre enn den blir framstilt som frå offentleg hald.

Oddekalv ser gjerne at kommuneleiinga støttar innbyggjarane i å trekkje staten for retten.

– Dersom det er noko krutt i dei, legg han til.

Detaljane skal finpussast
Huset til filosofen Wittgenstein flyttar.
Vestlandsbønder må hente enorme mengder naudfôr frå Austlandet og Sverige. Dette fordi begge grasavlingane på Vestlandet var langt under normalen i sommar.