NRK Meny
Normal

50 norske turistar sit innestengte rett ved skytinga i Las Vegas

Eit stort reisefølge frå Sogn sit fast i ein restaurant like ved skytedramaet i Las Vegas.

Innesperra

SIT INNESTENGTe: Reisefølget frå Sogn sit innestengt saman med fleire andre på ein restaurant. Dei har fått både vatn og teppe.

Foto: JOAR HOEL LARSEN / NRK

– Vi er innestengte i restauranten i casinobygget her vi er. Det skal vere tungt væpna spesialpoliti i bygget, men eg veit ikkje så mykje meir, seier Jan Inge Fardal.

Fardal er redaktør i Sogn Avis, og er på tur til Las Vegas saman med selskapet Fotefar temareiser. Reisefølget skal vere eit par hundre meter frå der skytinga starta.

– Vi sat og åt, og hadde nett fått desserten, då det kom ein person skrikande gjennom lokalet her. Like etter såg vi på fjernsynsskjermane her at det var tale om skyting i Las Vegas.

Lers også: To drepne og mange såra i Las Vegas

Innestengte på hotell i Las Vegas

INNESTENGT: Eit reisefølge frå Sogn sit innestengte på ein restaurant like i nærleiken av skytinga i Las Vegas. Dette biletet er frå hotellet der dei sit.

Foto: Joar Hoel Larsen / NRK

Turoperatør: – Alle er trygge

Reisefølget til Fardal er meir enn 50 norske folk som er samla for å reise rundt og lære om amerikansk kultur og historie.

Turen vert kalla ein lesartur, og turfølget er i stor grad lesarar av Sogn Avis. Alle som er med i reisefølget er no samla i restauranten der dei åt middag.

– Det er ei spesiell stemning, for å seie det mildt, seier Fardal.

Medeigar i Fotefar temareiser, Ynge Sunde, fortel at dei har prata med reisefølget på tekstmelding i løpet av føremiddagen.

– Alle i reisefølget er samla, og dei kjenner seg trygge. Det er sjølvsagt ein spesiell situasjon, men vi trur ikkje dei er i fare, seier Sunde.

Etter planen reiser dei heim att til Norge i morgon. Joar Hoel Larsen er til dagleg utanriksmedarbeidar i NRK og er med på turen til Fotefar temareiser.

– Det er ubehageleg stemning her, og i hotellgangen står fleire redde menneske. Nokre av dei har vener og slektningar på utsida. Den siste halvtimen har det flydd rundt to helikopter nær bakken med søkjelys, seier Larsen.

Statens helsetilsyn har avdekka at fire av fem norske kommunar som blei sjekka bryt lova og gir eit for dårleg tilbod til utviklingshemma.
Første i Norge som har vektløfting som valgfag.