Frå rekordløft til landssamling

I helga sette både Julia Jordanger Loen (Breimsbygda) og Ragnar Holme (Tambarskjelvar) norske rekordar og henta heim bestemannspremiane under junior-NM i vektløfting. Loen, som etter helga tronar øvst på adelskalendaren for ungdom kvinner, sette nye norske rekordar for ungdom og junior med 70 kilo i rykk og 82 kilo i støt. Det gav også ny norsk samanlagtrekord for klassane. Holme fekk 138 kilo i rykk og 165 kilo i støt. Det gav han ny norsk rekord i rykk, samt ny norsk samanlagtrekord for junior. Holme klarte også kravet til junior-EM. No er det også klart at begge er tekne ut når 12 av landets beste ungdom- og juniorløftarar er kalla inn til samling i stavern i byrjinga av juli. Det er også Oda Helene Sunde Svendsen (Jølster), Henrik Reiakvam og Kristen Espedal Røyseth (Tambarskjelvar).