Sport i Sogn og Fjordane

Satsar mot VM med nytt lag

Langrennsløparen Gjøran Tefre frå Førde satsar mot neste års VM i Trondheim med nytt lag. På internasjonale Team Aker Dæhlie får 28-åringen lagkameratar frå Tsjekkia, USA, Latvia, Irland og Storbritannia.

Tre renn - tre pallplassar

Skihopparen Johannes Årdal frå Jølster legg bak seg ei god sommarhoppveke. Den talentfulle 16-åringen vart nummer 3 i Vikersund, nummer to i Hasselbakken og vann rennet i Gjerpenkollen. Jølstringen deltok i den nest beste pulja, NC-A.

Flo tilbake i Strømsgodset

Jostein Flo er tilbake i Strømsgodset. Stryningen har fungert som konsulent og rådgjevar for sportsleg avdeling etter at han i april annonserte at han gir seg etter 25 år i klubben. I dag melder klubben at Flo startar opp att i ei ny rolle, som leiar for sport og spelarlogistikk.

Fleirtal mot boikott

Fleirtalet i det ekstraordinære årsmøte i Sogndal Fotball sa i kveld nei til boikott av fotball-VM i Qatar. Seks røysta mot boikott, to røysta for. Leiar for Norsk Supporterunion, Vidar Vadseth (bildet) argumenterte for boikott.

Spørsmålet om boikott blir avgjort på det ekstraordinære fotballtinget komande helg.

Vart nasjonal meister - i USA

Sleggekastaren Thomas Mardal (24) gjekk i natt heilt til topps under den nasjonale studentmeisterskapen i USA. Med eit kast på 76,74 meter sette glopparen ny personleg rekord - og forbetra skulerekorden - med nær 50 centimeter. Resultatet er berre 76 centimeter bak OL-kravet.