Hyllestad opnar for storkommune
Hyllestad kommune har vendt seg til nabokommunane Askvoll, Fjaler, Gulen og Solund med spørsmål om tettare samarbeid om tenestene. I e-posten blir det også opna for å sjå på ei kommunesamanslåing. Hyllestad trekte seg i 2016 frå forhandlingane med Askvoll og Fjaler. Fjaler-ordførar Gunhild Berge Stang seier ho gjerne set seg tilbake til forhandlingsbordet, men i første omgang for å sjå på samarbeid om tenestetilbodet i kommunane.