Det justerte budsjettet i Stad kommune viser ein ubalanse på 76 millionar kroner, skriv Fjordenes Tidende. Kommunen har høg lånegjeld som utgjer over 130 prosent av brutto inntekt. Administrasjonen jobbar no med tiltak for å få budsjettet i balanse.
Det er planlagt over fire gongar så mange bustadar som det er behov for i Sunnfjord kommune. I Førde er det planlagt 1.225 nye bustadar, medan behovet dei neste tolv åra er berre 357 bustadar, melder avisa Firda.
Fråfall blant politikarane gjer at det er knytt spenning til politikarane i Bremanger si behandling av søknaden frå SFE om å gjere endringar med vindkraftparken på Bremangerlandet. Ordførar Anne Kristin Førde ventar at politikarane står støtt.
Sunnfjord kommune har fått råd om å legge ned brannstasjonen i Naustdal, skriv Firda. Konsulentselskapet PwC har kome med ein rapport om brannvesenet i kommunen. Dei meiner det bør bli bygd ein ny brannstasjon i Førde.
Erling Sande er favoritten blant lokallaga til å bli toppkandidat for Sogn og Fjordane Sp til stortingsvalet. 17 ulike lokallag har spelt inn namnet hans. Aleksander Øren Heen frå Årdal og Emma Berge Ness frå Sunnfjord er dei neste på lista.
