Tidlegare denne veka fortalde NRK at ingen norske countrymusikkfestivalar får statsstønad frå Norsk kulturråd. Festivalleiar for Norsk countrytreff på Breim, Nils R. Sandal, hevda at kulturrådet på den måten viser forakt for countrymusikken.
- Lågstatusmusikk
Direktør i Norsk kulturråd, Ole Jacob Bull, avviste at det finst fordommar mot slik musikk i kulturrådet. Men kulturforskar Georg Arnestad meiner at country, danseband og gammaldans blir oppfatta som lågstatusmusikk og på den måten ikkje når opp i kampen om det statlege kulturkronene.