- Den betyr nok ein del for kommunen og distriktet, seier dagleg leiar i Ervik Havfiske, Stig Ervik.
Saman med han hadde det møt opp mellom 150 og 200 personar på kaia for å få med seg dåpen av det nyaste fartøyet i flåten til selskapet frå Stad.
- Den er bygd i Russland, men gjort ferdig her lokalt, fortel han medan han blir overausa av regn frå oven og gratulasjonar frå dei frammøtte.
DÅP: Tremenningane Kjell Magne Ervik (t.v) og Stig Ervik (t.h) kjøpte sin første båt i 1987. No har dei bygd opp selskapet til å bli eit av verdas største linerederi.
Foto: Josef Benoni Ness Tveit / NRKTrøblete dåp
Seljeværingane var tydeleg stolte av det selskapet har klart å bygge opp og utvikle seg til å bli. Den stoltaste av dei alle på brygga laurdag var truleg gudmora, som også er mor til Stig Ervik.
- Dette var grådig kjekt. Og at så mange kom for å sjå var flott. Eg er særs takksam for at eg fekk lov til å døype båten, seier Sigvor Ervik, som måte smelle champagneflaska fire-fem gonger i båten før den endeleg sprakk.
Båten er bygd for å legge ut på fiske i seks veker i slengen, og allerie over helga går første reise.
- Gratulerer med dagen, og måtte hell og lukke følgje båten. Og må mannskapet som er ombord ha det godt, sa ordførar i Selje, Stein Robert Osdal i si helsing under dåpen.
