Wang er vonbroten over forslaget til regjeringa om å kutte støtta til skulen. Dei to åra ved United World Collage har vore den beste tida i livet mitt så langt, seier han.
- God norgesreklame
Etter at Wang var elev ved United World College i Fjaler, har den kinesiske guten vorte TV-stjerne i heimlandet. Kinesisk fjernsyn har nemleg laga serie om den funksjonshemma guten. Fem av dei 18 episodane er spelt inn på skulen i Flekke, og 800 millionar kinesarar har kunne sett flotte fjordar og ville fjell i Sunnfjord. Mark Wang meiner UWC er god norgesreklame.
Elevane ved United World College er ambassadørar både for Fjaler og Norge når dei reiser attende til heimlanda sine, hevdar Wang.
Kuttar 9,2 millionar
Det er regjeringa som vil kutte tilskotet til UWC over statsbudsjett for neste år. Det betyr 9,2 millionar kroner mindre i inntekter og altså truleg kroken på døra for det internasjonale gymnaset. Wang forstår ikkje kvifor regjeringa ikkje vil late skulen få leve.