"Ima Ipmašat" lea ođđa mánáid- ja nuoraid CD mii dán vahkkus lea vuovdemassi. Inger-Mari Aikio-Arianaick lea oččon mielde dovddus ja easkaálgi sámi ártisttaid lávlut ja nuohttaid bidjat su sániide dahje teavsttaide.
Duhát CD:a leat máŋggejuvvon ja goit guokte ártisttá leat vuohččan almmuheamis CDa, namalassi Rolfffa ja Anne Maddji Heatta.
- Das leat eará dovddus ártisttat maid, lohká DAT-lagádusa Per Ludvig Boine.
Ollugat mielde
Mari Boine, Kai Somby, Ánne Mádji Heatta, rOlFa, Jiella, Tiina Aikio, Sofia Jannok, Anni-Saara Paltto, Niko Valkeapææ, Johan Kitti, Catarina Utsi ja Mina Rasmus leat artisttat CD:s.
Dat mii lea erenoamaš dáinna lea ahte Inger-Mari Aikio-Arianaick gii lea álggahan dán CD-barggu, ja dasa lassin čállán teavsttaid lávlagiidda.
Kárášjohkalaš Ánne Maddji Heatta lea okta dain gii vuosttašgeardde lea CDs almmuheamis mielde. Heatta muitala ahte oažžui teavstta ja dása lea ieš ráhkadan musihkka, ja go guldala lávlaga de máŋgasin loktanit muittut skuvlavázzimis, nu maid Ánne Maddjis.