Mánáide diehtu sámiin

Sámi girječálli Sigbjørn Skåden jerrui čállit álkes, somás ja miellagiddevaš girjji dáža mánáid várás geat eai soaitte diehtit ovdalaččas nu olu sámi kultuvrras ja historjjás.

– Su mielas lea mávssolaš juohkit albma, dárkilis dieđuid sápmelaččain, danin lea dát daddjon “win-win”-dilálašvuohta, oaivvilda Skåden.

Son muitala iežas hálidan čilget man máŋggalágan sámi servodat lea ja addit mánáide ipmárdusa sámi historjjás, manin lea šaddan nugo lea.

Unnán diehtu

Dutkan čájeha ahte Norgga skuvlamánát eai oahpa doarvái sámiid birra, ja girječállis lei dat čálidettiin maid muittus. Nu lea son vuolggahan girjji vuđolaš dieđuiguin, omd. ahte sámit gullet ovtta álbmogii.

Girji almmuhuvvo sihke dáro- ja davvisámegillii. Dat lea vuosttaš sámegielgirji man Norgga girjelágádus Cappelen Damm almmuha. Jurdda girjjis bođii fitnodaga diehtogirjeredaktevra Kristian Baardsenis, gii imaštalai manin ii gávdnan gostige mánáidgirjjiid mat muitalivčče sámiin.

– Ulbmil leamaš rahpá dáža mánáide uvssa sámi kultuvrii, muhto mii seammás attašii juoidá maiddái sámi mánáide.

Su mielas lei kulturpolitihkalaččat dehálaš, ahte almmuhuvvo maiddái sámegillii, go vuos čállo juoga sápmelaččain, čilge Baarden.

Ostton olles riikii

Son sávvá girjji leat mávssolažžan sámi mánáidege, go eai siige buohkat dovdda iežaset historjjá. Iešge lohká oahppan olu maid ii diehtán ovdalaččas, omd. sámi sániid, gákteerohusaid ja mo cegge lávu.

Norgga kulturráđđi lea juo oasttán girjji ja dan sáhttá nu luoikat girjerádjosiin miehtá Norgga.

Guldal radioášši: