Les på norsk.

Árran la Dutkamrádes oadtjum 2,2 millijåvnå kråvnå álgadittjat stipendiáhtavirgev mij galggá sáme rádjálåvsådåjmav dutkat.

Dát la birrusij bielev dan ålles ruhtadimes mij la dárbulasj prosjevtav realiseritjit, tjállá Árran julevsáme guovdásj præssadiedádusán.

Stipendiáhtta sjaddá Emilie Bergland Bakklund. Sån galggá histåvrålasj ja sebrudakguoskavasj tjuolmajt guoradallat ja gåvvit rádjálåvsåj bargo gáktuj Divtasvuonan, duodden Ofuohtan ja Oarjje-Råmsån.

Prosjækta tjuovvu Duohtavuoda- ja semadimkommisjåvnå rappårtå oajvvadusájt.

Jus ållåsit galggi prosjevtav jåhtuj biedjat de la dárbbo loahpparuhtadårjaj, tjállá Árran.

– Rádjálåvssåtematihkka l suorgge mij la læhkám ájnas dán guovlluj, valla ájn la binná duodastahttám åtsådimgirjálasjvuodan, javllá Filip Mikkelsen.

Les på norsk.

Sámedigge l uddni almodam ådåsamos lågojt Sámedikke jienastuslågos.

25.676 almatjij li dálla jienastimloahpe Sámedikkeválggaj. Dat la 5131 ienep gå åvdep válgan.

Nuorttaguovlo ja Oarjje-Vuona la válggabijran gånnå l ienemus la lassán.

Sámedigge, Válggadirektoráhtta ja Værroetáhtta li aktan gehtjadam jienastimlågojt dán jagásj válgaj.

Ådåsamos lågo ma li almoduvvam dás åvddåla lidjin biehtsemános jagen 2023, ja dalloj lidjin 23.488 ulmutja tjáledum jienastuslåhkuj.

Biehtsemáno 30. biejve lij ájggemierre Sámedikke jienastuslåhkuj diededit jus ájggu oassálasstet dán jagásj válggaj.

Jienastuslågos birra l læhkám ållo dágástallama, duola dagu dan maŋŋela gå NRK tjállij daj birra gudi rahpasit javllin lidjin jienastuslåhkuj ietjasa tjáledam juska ællim sáme.

Sámedigge l barggij válggaåssudagán lasedam, duola dagu diedojt nannitjit ja aj buoredittjat rádijt ulmutjijda gudi ietjasa jienastuslåhkuj sihti tjáledit.

Sámedigge l dán jage vuostasj bále aj gádodam soabmásav guhti ij jienastuslågo ævtojt ållida.

Jus galga bessat Sámedikke jienastuslåhkuj tjáledit, de hæhttu ietjat sábmen adnet. Duodden hæhttu binnemusát akta máttaræjgádijs adnet sámegiella sijddagiellan.

Les på norsk.

Sámedigge l juollodam 125.000 kråvnå jårggålittjat mánájgirjjerájdov Dinosaurgjengen julev- ja ubbmemsámegiellaj. Prosjækta, mav Nordlánda fylkasuohkan jådet, galggá dájt sámegielajt nannit mánájgirjij baktu, ma li ájnnasa giellaåvddånahttemij ja låhkåmávvuj.

– Mij dárbahip ienep sáme girjijt majt máná ajtu sihti låhkåt. Dá li girje majt moattes dåbddi dárogielas, ja ma dal aj gávnnuji guovte unnep sámegielajda, javllá Lifjell.

Sæmmi gå Nordlánda fylkkasuohkan julev- ja ubbmemsámegielav vuorot, de aj Trøndelága fylkkasuohkan oarjjelsámegiellaj ja bihtámsámegiellaj jårggålimij barggá, vattátjit ienep girjálasjvuodafálaldagáv sáme mánájda.

Dát doarjja l oassen Sámedikke prosjæktadårjas sáme girjálasjvuohtaj.

Les på norsk.

Dát ulmme l ájnas lávkke EU:a bajemus guhkesájggásasj ájggomussaj sjaddat bieledis dálkádak hárráj åvddål 2050.

Dán rádjáj li EU-lánda dálkádakgássaluojttalimev giehpedam 37 prosentaj 1990-dásij gáktuj.

Ådå ulmme almoduváj madin la ihkeva báhkka stuorra oasse Oarjje-Europan. Dákkir báhkka dájvvábut sjaddá dálkádakrievddadimij diehti masi ulmutja li vájkkudam, tjiehpe milta.

Ájggomus binnedit luojttalimijt 90 prosentaj almoduváj vuostasj bále dijmmá. Valla dájt maŋemus máno li garra sjiehtadallama læhkám sebrulasjrijkaj gaskan.

Les på norsk.

Arkitæktadåjmadahka Nordic Office of Architecture la tjiektjamjuohkusa åvdås tsieggimloabev åhtsåm ådå stadiontsiekkadussaj gulluvasj ásadussaj, tjállá avijssa Bodø Nu.

– Prosjækta l ájnas oasse åvddånahtátjit stádaoasev ja galggá ásadit dilev valástallamdållamijda, ja aj nannit stáda iesjdåbdov ja gulluvasjvuodav, tjállá arkitæktadåjmadahka åhtsåmusán.

Ådå stadion la gárvudallam 10.000 tjåhkkåhimsajij ja tsiekkadus 44 miehttara alludagájn.

Jalgudakareálla ariednán la badjel 22.000 neljudakmiehttara ja dasi galggá divna juohkusa funksjåvnå ja rustiga sjiehttat.