Moadde jagi maŋŋil go Elle Márjá Vars oaččui Sámi Ráđi girjjálašvuođa bálkkašumi mánáidgirjjiin "Čábbámus iđitguovssu", de oažžu son fas bálkkášumi čállindáiddus ovddas. Dál oažžu son bálkkášumi girjji ovddas "Máilmmi láikkimus olmmoš" .
Elle Márjá Vars girjjiinnis 'Máilmmi láikkimus olmmoš'
Foto: Johan Mathis Gaup
Giitevaš árvvoštallamiin
Elle Márjá Vars lea giitevaš go árvvoštallanjoavku árvvoštallá čállindáidduvuođul iige dáinna ahte gii dál lea čállán ja almmuhan čáppagirjjálašvuođa girjji. Son navdá joavkku leat árvvoštallan ja gávnnahan su ánssášit bálkkášumi barggus ovddas.
Ruhta ja dáidda
Sámeráđi bálkkašupmi girječállái lea 3000 euro ja juoga dáidda dahje duodji, muitala Sáme Ráđi Leena Aikio.
