Kulturhus-kjellar fløymd over av toalettvatn

Klokka 23.05 rykka brannvesenet i går kveld ut til Kulturhuset i Sola kommune. I kjellaren hadde det flote store mengder vatn ut or ei sprokken toalett-sisterne.

– Eg mistenker at sisterna har sprokke på grunn av hærverk, men det kan eg ikkje vera sikker på, fortel dagleg leiar ved Sola kulturhus, Eirik Vatne.

Brannvesenet jobba utover natta med å suga vatnet opp frå golvet, og då dei reiste frå staden, trudde dei at kulturhuset skulle sleppa frå det utan materielle skadar.

Må bytta fliser

Då Vatne kom på jobb i dag tidleg oppdaga han at det ikkje hadde gått så bra likevel.

– Det som har vore att av vatn har trengt under flisene, så dei må nok bytast, seier han.

Det er Sola kommune som eig kulturhuset, og dette blir truleg ei forsikringssak.