Det var like før klokka 19 fredag kveld politiet fekk melding om at vitne hadde observert ein mann med pistol ved Jernbanelokket i Stavanger sentrum.
Mannen skal ha tatt ein pistol frå ein bag og gøymd den inn under jakka si.
Då politiet kom til jernbanestasjonen var mannen borte.
– Me har sett inn fleire væpna politipatruljar i jakta på mannen, seier operasjonsleiar i Rogaland politidistrikt, Victor Jensen.
Klokka 20.30 fredag kveld trappa politiet ned den væpna aksjonen etter å ha fått kontakt med vedkommande over telefon.
Politiet har likevel ennå ikkje fått tak i mannen som skal ha vore utstyrt med eit luftvåpen.