To barn har i avhøyr med politiet innrømma at dei
. Delar av skulen brann ned på tysdag og .– Me er ikkje ei bygd utan rampestrekar men det plar ikkje få så store følgjer. Me i kommunen skal gjera det beste me kan for å stilla opp for familiane som har kome i det uføret dei nå har kome i, seier ordføraren.
Samla i kyrkja
I kveld møtte ordføraren den litle bygda i eit informasjonsmøte i Bjerkreim kyrkje for foreldre og elevar etter brannen som øydela skulen.
400 personar fulla kyrkja heilt opp, og det blei gitt praktisk informasjon i tillegg til at folk fekk uttrykt kjennslene sine.
– Det blir ei utfordring å få skulekvardagen opp å gå att, sa rektor Kjersti Stendal Bjerkreim.
Ho seier at hendinga nok har rissa seg inn i hjartene og sinnet til mange av dei unge elevane, og vera noko som vil følgja dei resten av livet.
Allereie på tysdag blei det spekulert i om brannen var påsett. Mykje på grunn av hærverk som var gjort på skulen kvelden før brannen.
– Det var eit innbrot der det blei skrive litt utidige ting på pultar og golv, men det har ikkje vore nokre større problem på skulen, seier Skåland.
Vil ikkje konkludera med brannårsak
Dei to som har innrømma å ha tent på skulen er under 15 år, den kriminelle lågalderen. Men trass i innrømminga vil ikkje politiet konkludera med at dette er årsak til at skulen blei øydelagd i brann.
– Det finnes fleire grunnar til at me ikkje vil konkludera med at dette er brannårsaka, ein av dei er at me vil vera 100 prosent trygge på at det er riktig før me konkluderar, seier politiadvokat Øyvind Haukland.
For elevane på Vikeså skule blir det truleg ein litt lenger juleferie enn dei hadde tenkt seg, og når dei byrjar vil samfunnshuset, idrettshallen og bedehuset fungera som klasserom.
Skulen skal nok bli bygd opp att, men kanskje ikkje på same stad.