Det er lokal ungdom som innrømmer brannstiftinga, opplyser politiet. Det er ikkje kjent om dei er elevar ved skulen.
– Det er ennå for tidleg å konkludera med at dette er årsaka til brannen, seier politiadvokat Øyvind Haukland til NRK.
Les også:
Politiet sparsame med opplysningar
Saka er framleis under etterforsking. Politiet vil derfor ikkje gå ut med kor mange som innrømmer å ha sett fyr på skulen eller kor gamle dei er. Men dei kan slå fast at alle er under den kriminelle lågalder (15 år).
– Seier dei noko om motivet for at dei sette fyr på skulen?
– Det er for tidleg i etterforskinga til at eg kan seia noko om det nå, seier Haukland.
(Artikkelen held fram under videoen)
Ønskjer tips frå publikum
Kriseteam og barnevernet er varsla. Dei tar nå hand om ungdommane.
Det vil truleg blir gjort kriminaltekniske undersøkingar på branntomta i morgon.
Politiet ønskjer framleis tips frå vitne i saka som kan ha sett noko mistenkeleg frå måndag kveld og fram til brannen blei oppdaga.