Ein motorsyklist blei påkjørt av ein politibil på Våland i Stavanger i dag tidleg. Mannen er komen alvorleg til skade og er på sjukehuset. Politiet etterforska eit innbrot i nærleiken og då dei oppdaga motorsyklisten mistenkte dei han for å ha noko med innbrotet å gjera. Politiet tok opp jakta og påkjørselen skjedde då ein politibil kjørte inn i motorsykkelen bakfrå. Spesialeininga for politisaker skal etterforska saka.
Uregistrert
Motorsykkelen var ein cross-sykkel utan registreringsnummer, opplyser politiet i Stavanger. Det er ikkje klårt om føraren hadde noko med innbrotet å gjera.