Må ha BankID for å kjøpe bussbillett

I morgon kan du ikkje kjøpe bussbillett via app i Rogaland, utan at du gjere desse endringane.

For å bruka billett-appen som før må ein legge inn nytt kort med godkjent BankID, innan klokka 22.00 måndag kveld.

– Det er ikkje alle som har BankID, og det betyr at det blir dyrt for mange å ta buss, seier Gundersen.

Om ein betaler med kontant på bussen kostar ein bussbillett 20 kroner meir.

Kolumbus legge skulda på betalingsleverandøren.

– Det er betalingsleverandøren som bestemmer at alle betalingskort skal bli validert med BankID eller tilsvarande 3D Secure-løysning. Dette for å gjera appen tryggare, seier kommunikasjonssjef i Kolumbus, Grethe Skundberg.

Ho skulle ønska at kundane fekk meir enn seks timar på endringane.

– Me skulle gjerne ha informert kundane våre i god tid, men me fekk nettopp informasjonen sjølv, og informerte så raskt me kunne.

– Straffar kundane

Gunnar Gundersen synest måten buss selskapet behandlar kundane på er heilt feil.

– Dei hive heile byrda over på passasjerane.

Politikar Andreas Bjelland Eriksen (Ap) syntest det er spesielt at kundane berre får 6 timar på endringane.

– Eg har sjølv skaffa meg BankID ein gang og veit at det ikkje tar 15 minutt.

Han fortel at det er ønskjeleg at ein har eit betalingssystem som fungerer for alle.

– Det er dumt når ein lager betalingssystem ikkje alle kan bruke, seier Andreas Bjelland Eriksen.

Kvifor Kolumbus har så hastverk får me ikkje svar på.