– Valdtektsforsøket skjedde i eit smug i nærleiken av Jærmeglaren i sentrum av Bryne, fortel operasjonsleiar i Rogaland politidistrikt, Victor Jensen.
Kvinna sette seg til motverje mot mannen som prøvde å valdta ho. Då gav han opp og sprang frå staden, har fornærma forklart til politiet.
Gjerningsmannen er ukjent
Kvinna har skildra overgriparen som ein låg utanlandsk mann som var om lag 25 år gammal.
– Nærmare bestemt meinte ho at mannen hadde arabisk utsjånad, seier operasjonsleiaren, som legg til at kvinna ikkje kjente mannen frå tidlegare.
Les også:
Har avhøyrt eit vitne
Jensen seier at politiet alt har snakka med eit vitne, som skal ha sett noko av det som skjedde. Men ennå er det uklårt kva rolle dette vitne har hatt.
Les også:
Nå er det Time lensmannskontor som overtar etterforskinga. Politiet er svært interessert i å koma i kontakt med vitne som kan ha sett eller høyrt noko i samband med valdtektsforsøket rett etter midnatt, natt til søndag.
