Det har blitt ei velkjend historie at lokalmiljøet rundt ein grendaskule samlar seg og demonstrerar mot føreslått nedlegging av skulen deira.
På Vatne skule i Sandnes førre veke kunne ein høyra at elevane hadde laga
. Denne gongen er det foreldra ved Kvalavåg skole på Karmøy som kjemper for skulen sin. Dei har laga ei eiga avis som dei sjølv finansierer. Men hjelper det?- Les òg:
Har lagt ned 1100 skular
– Me er stolte over avisa som me har laga og delt ut til nesten alle innbyggjarane på Karmøy, og me håper jo at dette gjer resultat. Me har ingen andre måtar å bli høyrt på , seier Evy Blom Kalstø i foreldrearbeidsutvalet på Kvalavåg.
Dei harde fakta er likevel at sidan kommunane overtok ansvaret for grunnskulen i 1986 har heile 1100 skular blitt lagde ned. Det vil sei omlag 50 kvart år dei siste 24 åra.
Torodd Fagerheim er rådgjevar i Landslaget for nærmiljøskulen, og han seier at demonstrasjonane hjelper:
Økonomi er årsaka
– Svært mange av dei hjelper. Hadde det ikkje vore denne type motstand frå foreldregrupper ville me hatt langt fleire skular som blei lagde ned kvart einaste år, seier han.
- Les òg:
Han legg til at det blir diskutert nedlegging av langt fleire skular kvart år enn dei som faktisk blir lagt ned. Og nesten kvar einaste gong det er snakk om å leggja ned ein skule er det økonomi som ligg bak det.
Det er også høve ved Kvalavåg skole på Karmøy nå:
Mister kanskje nærskulen sin
– Me må spara 40 millionar kroner på oppvekst og kultur sine driftsutgifter, dette klarar me ikkje utan omstrukturering av skulen, seier ordførar i Karmøy Kjell Arvid Svendsen.
Tysdag ettermiddag blir det truleg vedteke at Siren Marita Aksland Simonsen på 12 år må flytta til Avaldsnes, dette er berre trist meiner ho:
– Eg liker det ikkje for det er her me har gått, og på Avaldsnes blir det veldig liten plass, seier ho.