Overfallet skjedde i halv-tre tida natt til søndag. Stavangermannen blei stoppa av ein ukjent mann og bede om å gi frå seg pengar.
Då han nekta dette, trekte ranaren fram ein stor kniv. Offeret prøvde å beskytta ansiktet med armane sine, og det var i armane han fekk knivkutt.
Offeret ringte deretter til AMK-sentralen og fortalde at han var blitt knivstukken.
Det viste seg å dreie seg om mindre knivkutt i armane, ikkje alvorlege skader, viste undersøkjinga på legevakta.
Ukjent overfallsmann
Ranaren vert skildra som mellom 20 og 25 år gammal, 1.80 meter høg og kledd i mørke klær. Søndag føremiddag hadde ikkje politiet funne overfallsmannen.