Ifølgje ornitolog på Stavanger Museum, Alf Tore Mjøs, er det ikkje vanleg at hønsehaukar reiser på byvandring.
– Det er nok vinterkulda som har gjort at hønsehauken har blitt freista til å få seg litt lett tilgjengeleg og urban mat, seier han til NRK.no.
- NETT-TV: Sjå hønsehauken i programmet "Ut i naturen"
- LES OGSÅ:
Hauken fanga ei ringdue
Han meiner at videoen som blei tatt sundag viser ein halvvaksen hønsehauk. Byttedyret er ei ringdue. Ein langt vanlegare fugl på Stavanger sin beste vestkant.
– Ringduer spis bøkenøtter, som det finst mykje av på Eiganes, seier han.
Den gode videoen av det sjeldne besøket var det Kjell Ove Tovsrud som tok.
– Då eg såg fuglen i gardsrommet tenkte eg jøss. Eg lista meg for å finna kameraet og fekk tatt fleire foto i tillegg til video av fuglen, fortel hobbyfotografen.
Trur det kan vera unikt videomateriale
Totalt stod hønsehauken og knaska på ringdua han hadde tatt i om lag fem minutt før den reiste vidare.
– Det er veldig kjekt å ha fått dette på film, seier Tovsrud som trur at han kanskje er den einaste som sit på videomateriale av ein hønsehauk på Eiganes.