– I aller verste fall leverer me inn 19 eller 21 nominasjonslister. Det er trist, seier Kari Raustein, fylkesleiar for Framstegspartiet i Rogaland.
Noko har skjedd i eit av landets blåaste fylke. Det ligg an til at Framstegspartiet ikkje vil vera eit alternativ i fem fleire Rogalandskommunar enn ved kommunevalet i 2011.
– Det er naturlege generasjonsskifte i nokre av desse kommunane, der det er folk som har vore med oss i mange, mange år, som no ønskjer å gjera noko anna på fritida. Det er ikkje i alle desse kommunane det er naturlege arvtakarar, seier Raustein.
- LES OGSÅ: Tar avstand frå Sandberg-kommentarane
- LES OGSÅ: Hareide til Sandberg: – Nå er det nok!
Ekstra vanskeleg i Ryfylke
Det er spesielt i distriktskommunane i Ryfylke at partiet slit. For fire år sidan fekk dei inn representantar i alle dei åtte ryfylkekommunane. I år må dei truleg stryka fem lister, mellom anna i Hjelmeland, der partiet hadde sitt første landsmøte i 1974.
– Noko av det Landbruksminister Sylvi Listhaug seier kan vera populært på Nord-Jæren, men ikkje for delar av Ryfylke, seier Esther Moe, redaksjonsleiar i lokalavisa Suldalsposten.
Ho meiner at det er Frp i regjering som øydelegg for partiet i distrikta. Fylkesleiaren i Frp synest det er vanskeleg å seia kva som er årsaka, men er litt samd med Moe.
– Det er ikkje alle saker vi får positiv blest om, som vi burde ha fått. Mange av reformene vi skal gjennomføra i regjering tar tid å sjå dei positive verknadene og utfallet av. Dårlege målingar på landsplan kan også smitte over til distrikta, seier Kari Raustein.
- LES OGSÅ:
- LES OGSÅ:
Fleire protestutmeldingar
Ester Moe peiker på at bråket rundt nestleiar Per Sandberg har vore avgjerande for at listetoppar har trekt seg.
– Her i Suldal melde Hans Erik Svennes seg ut i protest mot Per Sandberg sitt utspel om at KrF har ansvar for at nordmenn vervar seg som IS-krigarar. Han sa «der går grensa», seier Moe.
– Akkurat det same har nettopp skjedd i Finnøy der ein kommunestyrerepresentant melde seg ut med same grunngjeving, seier ho.
Klokka 12 går fristen ut for å levera inn nominasjonslister til valet. Raustein har framleis eit håp om å få lister opp og stå i Hjelmeland og Sauda, og skal jobba fram til siste minutt med å få det til.
- LES OGSÅ: