– Jonevret er ein sterk kandidat

– Jonevret er ein sterk kandidat, men førebels har han ikkje fått eit konkret tilbod, seier styreleiar i Viking, Christian Rugland til NRK.no.

• Les òg: Jonevret flørter med Viking

Til Stavanger frå EM

I dag landa svensken i Stavanger. Han kjem frå EM i Polen og Ukraina, der han er ein del av Sverige sin EM-delegasjon.

– Det er sjølvsagt smigrande at Viking ønskjer å snakka med meg. Viking og Stavanger har alltid stått meg kjært, så det er klart eg vil høyra kva dei har å sei, seier Jonevret til Stavanger Aftenblad på Stavanger lufthamn Sola.

• Les òg: Hareide er ferdig i Viking

Den tidlegare Viking spelaren var ikkje tilgjengeleg på Viking stadion. Men styreleiar i klubben la ikkje skjul på at Jonevret er ein ønska mann for jobben.

– Me går nå inn i innleiande forhandlingar, seier Rugland.

Første trening utan Hareide

Dette er også dagen Viking har si første trening utan Åge Hareide. Treninga blir leia av Gary Goodchilde.

Spanjolen «Pep», som var del av Hareide sitt trenar team er i Stavanger, men har ikkje delteke på Viking si trening i dag.