NRK Meny
Normal

3. plass til Tango i kokke-NM

Tre rogalendingar måtte gi tapt for ein Fitjar-bu i kampen om NM-tittelen i kokkekunst. Men Kjartan Skjelde frå Tango restaurant blei nummer tre.

Frå premieutdelinga på kokke-NM
Foto: NRK

Geir Skeie frå Fitjar i Hordaland vart kåra til årets kokk 2007. Han går nå vidare til uoffisielt VM i kokkekunst i Bocuse d´Or-konkurransen i Lyon i Frankrike.

Råvarene det blei konkurrert i var ishavsrøye. I tillegg presenterte deltakarane svin frå Jæren.

Vinnaren blei kåra med minste margin, seier hoveddommar Bent Stiansen.

Tango på 3.plass

Kjartan Skjelde, kjøkkensjef på Tango bar og restaurant i Stavanger, kom på ein heiderleg 3. plass.

- Eg er godt nøgd. Det var ein god arbeidsdag og plasseringa er grei nok, seier Skjelde.

Han har stått på skikkeleg spesielt den siste månaden for å førebu seg til konkurransen.

Etter konkurrasen i Tennishallen i Stavanger torsdag kveld, var han utslitt, men glad.

- Nå skal eg feira med kjæresten. Drikka sjampanje og kosa meg, var hans avslutningsord.

Geir Skeie frå Fitjar, vann kokke-NM 2007
Foto: NRK

Jevnt nivå.

- Med berre små justeringar, så kunne ein annan kandidat vunne. Så close race var det, seier hoveddommar Bent Stiansen.

Og nivået var høgt.

- Tre av dei seks deltakarane i finalen kunne vore på pallen i Bocuse d´Or, seier Stiansen.