Politikarane tillèt at FKH kan skjenka alkohol på heimekampar
Heimebanen til eliteserielaget i fotball, FK Haugesund, blir ikkje lengre alkoholfri sone.
I går vedtok eit fleirtal av Høgre, Frp, Venstre og Pensjonistpartiet å tillate skjenking i visse soner av stadion, skriv Haugesunds avis.
– FKH får fleire bein å stå på økonomisk på denne måten, seier høgrepolitikar Anders Amundstad-Balle, som er leiar i utval for helse, omsorg -og sosialtenester.
Han understrekar at skjenkinga ikkje skal skje i område der det er mange familiar og barn.