Standard and Poor's 500-indeksen gjekk opp 3,43 prosentpoeng, medan den teknologitunge Nasdaq Composite gjekk opp 3,32 prosentpoeng.
– Problema ikkje løyste
Oslo var litt under nivået for dei fleste andre europeiske børsane. I Frankrike steig Cac-indeksen med 6,28 prosentpoeng, medan tyske Dax enda opp 5,24.
Dei nye økonomiske krisetiltaka som EU-landa vart samde om natt til torsdag har gitt Europa eit pusterom. Men ekspertar åtvarar om at dei grunnleggjande problema ikkje er løyste.
Halvor Mehlum, professor i økonomi ved Universitetet i Oslo, seier til NTB at avtalen stansar dei akutte problema, men at nye vanskar kan oppstå om ikkje Italia får orden på økonomien eller at greske bankar tapar store summar når delar av den greske statsgjelda blir ettergitt.
– Det er ein evig runddans der ein skuvar rekninga føre seg. Men til slutt må ho betalast, seier han.
LES OGSÅ:
– Ingen tryllestav
Han får støtte frå Robert Zoellick, som er leiar for Verdsbanken. Han seier at den nye avtalen ikkje er nokon tryllestav som løyser alle problema.
– Eg håpar at dette første viktige steget kan føre til ei breiare tilnærming i arbeidet med å sikre ny vekst i økonomien, seier han.
Fleire store norske selskap la torsdag fram tal for tredje kvartal. Statoil la fram eit resultat som var 35,3 millionar kroner betre enn same periode i fjor, og aksjen var opp 2,54 prosentpoeng. Hydro steig 4,8 prosentpoeng, medan DnB gjekk fram 6,98 prosentpoeng.
Orkla var einaste selskap på Oslo Børs som enda i raudt. Årsaka er skuffande kvartalstal, med eit resultat før skatt på vel ein milliard kroner i underskot.
Oljeprisen steig til 11,78 dollar pr, fat ved børsslutt, ein oppgang på 2,87 dollar. Amerikansk lettolje gjekk for 93,25 dollar, opp 3,05 dollar.
LES OGSÅ:
LES OGSÅ:
.