Virussirkulasjon kan vera positivt

Fleire vil truleg bli smitta når samfunnet opnar opp. Det treng ikkje å vera negativt, fortel vaksineekspert Sara Viksmoen Watle ved Folkehelseinstituttet til VG. Ho seier at me framover må vera førebudde på å ha smitte sirkulerande, og at me ikkje vil bli kvitt smitten. Men på grunn av vaksinen, vil me ikkje bli sjuke av det.

– Sirkulasjon av virus kan ha positiv effekt – for då vil du «boosta» immunresponsen din. Så lenge du ikkje blir veldig sjuk, vil du friska opp immunforsvaret, seier ho til avisa.