Vil vurdere test på fødeavdelingane

Regjeringa har bede Helsedirektoratet og FHI vurdere om systematisk bruk av hurtigtestar før og under opphaldet på fødeavdelingane kan redusere smitterisikoen når partner er til stades under og etter fødsel. Det skriv Helsedirektoratet i ei pressemelding. Helseminister Bent Høie seier at han har kalla inn alle helseregionane til eit møte for å gå gjennom rutinar og status for om medmor eller far får lov å vere til stades. Målet er at partner kan vere med før, under og etter fødsel, seier Høie.