Vil undersøka korleis KI kan påverka neste års val
Regjeringa har sett ned ei ekspertgruppa som skal kartlegga korleis KI kan ha påverka vala i dei mest folkerike landa i 2024. I tillegg skal dei koma med råd om korleis best mogleg legga til rette for det norske valet til neste år.
− Tillit til vala våre er heilt avgjerande for demokratiet vårt. Derfor skal vi no lære av årets val rundt om i verda for å belyse både moglegheiter og sårbarheiter i vårt eige demokrati, seier kommunal- og distriktsminister Erling Sande.