Vil drive Zaporizjzja under russisk overvaking
Det russiske forsvarsdepartementet seier onsdag at atomkraftverket i Zaporizjzja skal halde fram med drift under russisk overvaking.
Det melder det statlege nyheitsbyrået RIA i Russland.
Tidlegare denne veka blei regionen formelt erklært annektert av russiske okkupasjonsmakter.
Dette kjem etter ei rekke med såkalla folkeavstemmingar i regi av Russland her og i tre andre ukrainske regionar.
Både Kyiv og vestlege styresmakter kallar desse avstemmingane for ulovlege, og seier annekteringa skjer ved tvang.
