Ukrainsk forretningsmann døydde i angrep

Ein av Ukrainas rikaste forretningsmenn har saman med kona blitt drepne i eit russisk angrep i byen Mykolajiv, sør i Ukraina.

Oleksej Vadatursky (74) og kona Raisa døydde då ein missil trefte heimen deira i natt, skriv BBC.

Vadatursky grunnla Nibulon, eit landbruksselskap som spesialiserer seg på produksjon og eksport av korn, kveite, bygg og mais.

Guvernør i Mykolaiv, Vitaliy Kim, seier det er «eit stort tap for heile Ukraina». Han opplyser også om at byen søndag blei utsett for ei rekke angrep.

Ifølge Forbes hadde Vadatursky ein formue på 450 millionar dollar i 2020.