Sverige: Tidlegare syrisk general møter i retten

Måndag møter ein tidlegare syrisk brigader i Stockholms tingrett. Han er tiltalt for å ha medverka til krigsbrotsverk under borgarkrigen i Syria i 2012.

Den tiltalte er den høgst rangerte syriske militærleiaren som har vorte stilt for ein europeisk domstol, skriv NTB.

Den tiltalte skal mellom anna ha bidrege med råd og handlingar til krigføringa til den syriske hæren. Mellom anna blei det ikkje skild mellom sivile og militære mål under krigføringa. Det strir i mot folkeretten.

Om mannen vert dømd, kan han få livstid i fengsel.