Sverige bruker ein halv milliard på folketeljing
Den svenske regjeringa har i dag annonsert ei ny folketeljing. Dette blir den fyrste sidan 1990.
– Vi har mista kontroll over kor mange som bur i landet vårt, sa Jimmie Åkesson (Sverigedemokraterna) på ein pressekonferanse saman med finansminister Elisabeth Svantesson (Moderaterna).
Partiet hans er støtteparti til Ulf Kristersson si regjering. Det er sett av ein 500 millionar svenske kroner for å få oversikt over innbyggjarane i Sverige, skriv SVT.
– Ved slutten av vår mandatperiode skal vi ha veldig mykje betre oversikt over Sverige, seier Svantesson.