Sterkt resultat for Statkraft
Høgare kraftprisar og auka norsk vassproduksjon gav det statseigde selskapet Statkraft gode resultat, både for fjerde kvartal og heile 2021.
Tal for fjerde kvartal i fjor viser at selskapet fekk eit driftsresultat på 9,3 milliardar kroner. Det er 7,8 milliardar meir enn i same kvartal året før.
Det statseigde kraftselskapet enda med eit resultat for 2021 på 16,1 milliardar kroner. Det er over fire gongar så høgt som året før.
Statkraft har sidan 2017 delt ut 85 prosent av resultatet frå vasskraftproduksjonen som utbytte.
Styret i Statkraft vil at selskapet skal dele ut 10,2 milliardar i utbytte for 2021, som i det heile går til staten.