Sri Lankas president vil senda avskjedsbrev i dag
Sri Lankas president Gotabaya Rajapaksa, som flykta frå landet tidlegare i dag, har fortalt parlamentspresidenten at han vil senda sitt oppseiingsbrev seinare i dag, melder Reuters.
President Rajapaksa har tidlegare lova at han vil gå av onsdag. Landet si nasjonalforsamling skal velja ny president 20. juli.
– Eg appellerer til folket om å ha tillit til
den parlamentariske prosessen me har skissert for å utnemna ein ny president den 20. og vera fredelege, sa parlamentspresident Mahinda Yapa Abeywardena i eit videoutsegn.
Fristen for å nominera kandidatar til presidentstillinga er sett til tysdag neste veke.
Sri Lanka opplever for tida den verste økonomiske krisa sidan sjølvstendet i 1948, og har erklært unntakstilstand etter store protestar frå folket. Onsdag storma demonstrantar statsministeren Ranil Wickremesingshes sitt kontor, like etter det blei klart at han fekk fullmakt til å utføra presidenten sine oppgåver.