Hopp til innhold

Skulane kan bli mobilfrie allereie over nyttår

Allereie over nyttår kan dei norske skulane bli mobilfrie, opplyser kunnskapsminister Kari Nessa Nordtun til NRK.

I førsteomgang er det ikkje snakk om eit forbod. Det vil ta for lang tid å få på plass. Å gje ei tydeleg anbefaling kan gjerast langt raskare, seier Nordtun.

– Inntil to til tre månadar er målet, seier ho.

Kunnskapsministeren peikar på at mobilen påverkar dei faglege resultata negativt og fører til utanforskap og mobbing.

– Målet er at me får bukt med dette og ser på restriksjonar knytt til mobilbruken i skulekvardagen, seier ho.

Fredag blei det kjent at den ferske statsråden har bestilt det som skal bli «ei tydeleg anbefaling» til skulane om å vera mobilfrie. Det er Utdanningsdirektoratet som har fått i oppgåve å utarbeida anbefalinga.

Det var Dagbladet som først omtalte dette.

Nyhetstips 03030

Er du der det skjer eller vet noe vi burde vite? Ta kontakt på 915 03030 eller 03030@nrk.no