Riksrevisjonen kritiserer politiet
Riksrevisjonen kjem med alvorleg kritikk mot politiet fordi oppklaringsprosenten har gått ned, skriv dei i ei pressemelding. Politireforma har gjeve høgare kompetanse, større einingar og sterkare fagmiljø, som gjer at politiet er betre rusta til å handtere alvorlege hendingar og kriminalitet.
Men undersøkinga viser at det er manglar ved etterforskinga av dei mest alvorlege straffesakene, som vald og seksuallovbrot.
– Det er alvorleg at oppklaringsprosenten har gått ned for fleire typar alvorleg kriminalitet og at politiet i mange tilfelle bryt fristane for etterforsking, seier riksrevisor Karl Eirik Schjøtt-Pedersen.