Raudt kritisk til Pisa-undersøkinga
– Nessa Nordtun er opptatt av å kasta mobilen ut av skulen. Eg vil oppmoda ho til å starta med Pisa-prøvane, seier Hege Bae Nyholt (R) som leiar utdanningskomiteen på Stortinget.
Ho meiner at ein må ta eit oppgjer med «det store testregimet» på skulane.
– Pisa fortel oss veldig lite om korleis god læring skjer, men gir oss veldig mange overskrifter for korleis «norske elevar» gjer det i forhold til elevar i andre land. Dette fører berre til unødvendig stres og press. Det er ikkje noko bra for ungane våre, seier ho.
