Politiet set inn ekstra patruljar i Oslo
– Den siste tida har det vore fleire alvorlege hendingar i byen vår. Slåstkampar, knivstikkingar og skotvekslingar gjer at mange lurar på om det no er trygt i Oslo, skriv politiet på Facebook og held fram:
– Dette har vi veldig stor forståing for og vi tek dette alvorleg. Oslo er å rekne som ein trygg by, men i periodar kan det vere større uro i enkelte miljø.
Dei skriv at politiet har sett inn ekstra patruljar som skal jobbe tryggleiksskapande i byen.
– Per no har vi ingen opplysningar som tilseier at dette er angrep på tilfeldige personar, men interne konfliktar.
Dagbladet skreiv om Facebook-posten først.