Ny regjering i Sverige klar

Påtroppande statsminister og Moderaterna-leiar Ulf Kristersson har i dag presentert si nye regjering. Saman med Moderaterna (M) består ho av Kristdemokraterna (KD) og Liberalerna (L), med Sverigedemokraterna som støtteparti i Riksdagen.

Leiaren av Kristdemokraterna, Ebba Busch, blir energi- og næringsminister samt visestatsminister. Partiet har i tillegg fått den tunge posten som helseminister.

Liberalernas leiar Johan Pehrson blir arbeidsmarknads- og integreringsminister. Partiet får òg ansvar for klima- og miljøpolitikken og likestillingspolitikken.

Tobias Billström blir utanriksminister, Gunnar Strömmer blir justisminister og den nye forsvarsministeren er Pål Jonson, alle frå statsministerens parti.

Regjeringa har 24 ministerpostar. Moderaterna får 13 ministrar, Kristdemokraterna 6 og Liberalerna 5.

Det formelle statsministerbytet skjer klokka 13 på Stockholms slott.

Kristersson fekk oppdraget med å stifte ny regjering etter valet 11. september.