Ny britisk statssekretær går av
Statssekretæren i det britiske utdanningsdepartementet, Robin Walker, trer av. Det melder Reuters.
Det er den tredje statssekretæren i Boris Johnson si regjering som har gått av i dag.
I ei fråsegn publisert på Twitter, skriv Walker at han går av på grunn av Boris Johnson sitt leiarskap.
– I dei siste månadane har dei store prestasjonane til regjeringa blitt overskygga av feil og spørsmål omkring integritet, skriv Walker.
Tysdag gjekk finansministeren og helseministeren frå sine posisjonar. Det har til saman vore 13 oppseiingar i Johnson si regjering sidan tysdag.